Letra da Música: Batti Ghee Man - Herman Medrano

ea vita no va sempre come che te voi ti
no state pi rabiare e prova fare come mi
batti chee man, usa e tonsie
trova qualchedun pa fare l'imbesie

ghe xe sta tempi che faseo de tuto
fin che restavo suto, savendo ben che rifasevo el buto
come e sioe, cambia staion e resto soto el soe
che in do paroe el fa sempre queo ch'el voe
raro che fusse san massa tubi coi putei
raro, come un marochin co i tapei
entravo in saea co na baea de crema marsaea
da no poder vegnere gnanca basso daea scaea
facia zaea go prova assarme 'ndare via
go serca' de no incassame e toea co fiosofia
xe ani che sparagno e so queo che ghe va drio
provare a no pensare al conto in banca incancario
ma ea vita xe na cagna che no ciava gratis
de tuti i coeori come co te magni i smarties
dee volte ea te va ben, dee volte e xe botte
par ti el xe stress par mi rotture de baeote

cossa che ghe xe? Serca de date na regoeada,
no te poi tore tuto queo che te vedi, seto!
Ara, che se te ve vanti cussi ...Hhm,
par mi no fe mia ora deventare vecio!

So queo tacchente, queo picoeo e rabegoeo
vardame ben, no go na bandiera che sventoeo
so queo che se scondea drio e murete co i tosati
pa tiraghe i raudi ai gati
no stame sidiare, no go pi oci pa piansare
vojo na motorea e via corare pa e arsare
generasion giusta, xente su de susta
se questo no te gusta, xa teo se, frusta
pa tuti chei stronseti che fa i bravi toseti
meio se i stasse siti, so na vasca co alex briti
conosso ben a rassa che ea butaria in vaca
e anca in jaca e cravata i xe omani de caca
mi no so pi gnente, mi no fasso gnente
mi no voio gnente, mi no compro gnente
date a cesare quel che e' di cesare, lo sai
daghe a cesare on baie e dighe ch'el se fassa i cai

i me ga sega' do volte ma saria passa' pa un gnente
3 se contemo anca el test dea patente
e xe come se vedesse ancora el ghigno de me pare
-ma gheto o no gheto voia de studiare?
Ma ea vita te riserva de sicuro dee sorprese
come quando che te frachi massa dee scorese
xe inutie sercassea ghe n'e' anca massa
tosati sbatui come na canevassa
on omo no se misura dai goldoni ch'el consuma
on omo no se misura dai sturi ch'el se fuma
un omo no se misura daea machina ch'el sgoma
bastasse soeo che questo pa capire se el xe mona
i e prova proprio tute parche' dentro i xe vodi
ti no sta fare sbrodeghi che forse te tea godi
par quei che se spasema, mi, gnanca na agrema
areme qua, magneme qua, sareme in caneva

e in finae, no ghe saria pi gnente da dire, se no, che pi che te te toi ea vita, a coreghe drio a queo che no te riessi ciapare, pi no teo ciapi, e pi te te toi ea vita
assa che i cora
assa che i vaga
batti chee man
uno aea volta i se ferma tuti, zio can