Letra da Música: Massa Reclan - Herman Medrano

massa reclan, dentro ea' testa dea xente
massa reclan, no se capisse pi gnente
massa reclan e massa roba che no serve
massa reclan, chi no xe duro cua' se perde

massa volte serte robe no se sa me se intuisse
e ogni do iornade te vien nove spisse
tanta bea roba che te assa ea' cassa voda
e come che tea conpri ea' xe xa fora moda
no xe miga fassie capir come che ea' cambia
provando no pensaghe aea fine se se rabia
pa metetea in testa eori no i se sforsa
so come i te voria e in nome de calcossa
pien dee so storie che vol dir pien de voie,
e pien de che voie, vol dire pien de rogne
ogni di i se raccomanda che teo fassi anca ti
sii te stesso, ma no i te voe cussi'
no i teo ga miga dito che se no te si dacordo
te ghe da magnatea, xe cussi che gira el mondo
femene divise fra done serene
e casalinghe ae prese co i problemi dell'igene

te dovarissi essare flessibie a piegora
te dovarissi credare che cuesta xe ea' regoea
mi non me vien da ridare co me ritrovo ae strette
mi no me vien da ridare fintanto che i me mette
mi contro de ti, eori contro de chealtri
tuti contro tuti e intanto eori fa e parti
dividi et inpera, senpre cuea xe ea' strada
se no teo ghe capio, date na descantada
so cueo che te serve ghe xe senpre un bel "forse"
calcheduni ga magna' e ni i ga assa' gnanca e scorse
naturae che serta xente pensa mi me buto
anca mi fasso de tuto parche' eori fa de tuto
i xe drio dame da magnare platicon
intanto na gran figa dise "magna ch'el xe bon"
conpra cuesto e te assicuro te ghe sucesso
ghe ne conossito uno che ghe sia mai sucesso?

Co i stipendi cussi' bassi, come xe che te tea passi?
Cossa te ne frega de i parametri de mastricht?
E in fameja nasse ogni sorta de cuestion
bastaria senplicemente stuare ea' teevision
ogni roba che el vede pianse el picinin
fin cuando che so a mare nol tira sol copin
ai pi grandi no ghe manca mai schei in portafojo
ma no i dixe pi me deto, adesso i dise vojo
consumemo, i te voe insemenio
i e studia tute e nialtri ghe coremo drio
robe che sui deboi fa davero straji,
xente che el sarveo xe partio pa dei viaji
ea soeusion ea' trova soeo cuei pi preparai
e se te si in dificolta' no te poi conprar vocai
no te poi pi fare gnente se te pensi che no conta gnente,
conpra, che te deventi inteijente.