Letra da Música: 'Nu Bello Cardillo - Joan Baez

Stó' criscenno no bello cardillo...
quanta cose ca ll'aggi''a 'mpará:
Ha da ire da chisto e da chillo,
li 'mmasciate isso mm'ha da portá!...
Siente ccá bello mio: llòco 'nnante,
nc'è na casa, na nénna nce sta,
tu la vide ca nun è distante:
chella nénna haje ire a trová!

Si la truove ca stace dormenno,
pe' na fata, gué, non la pigliá...
No rommore non fá co' li ppenne...
gué, cardí', tu ll'aviss''a scetá!?
Si affacciata po' sta a lo barcone,
pe' na rosa ll'aviss''a pigliá?
Gué, cardí', vi' ca llá tu te stuone...
va' vatténne cardí', nn''addurá!...

Si la truove ca face ll'ammore,
'sto cortiello annascùnnete ccá...
'Nficcancillo deritto a lo core
e lo sango tu mm'haje da portá...
Ma si penza...vatté' chiano chiano,
zitto zitto te nce haje da azzeccá,
Si afferrá po' te vò' co' la mano,
priesto 'mpietto tu ll'haje da zompá...